2023年03月31日

分類: 財經

恒指大上大落 重回起步位置

港股上證噚日行同一條套路,睇時間判斷國內股市似主導,上證早段先升20點後,午後倒跌36點收市,掉轉頭跌穿3010後抽支持同3000點心理關囗,上證指數升穿3010阻力後幾日就已冇貨賣,3080係第一個支持,下一個位已經係3027。 恒指仲戲劇性,好淡都殺,朝早十點零五分突然升穿20天線,分鐘圖現五支陽燭,五分鐘內夾到上21000點水平,市場上冇任何消息,睇圖嘅都睇到恒指10天同20天線間等開邊,向上一穿就會觸發淡倉平倉,但速度就太快。之後跟國內股市愈回愈急,竟跌近升10天線20325水平先反彈, […]

周末傳聞多 玩謝科技股

港股低開後上番去,全日就係鎖死喺10同20天線間上落,高低波幅300點,好窄,收喺20603點,微升,成交1,090億元。日中人民幣輕微跌到6.926,上證股市走軟,微跌6點,仍算企得住。 噚日恒指低開,主要係科技股帶跌,周末兩會中新聞或傳聞多多,有說未成年玩網游規範會較嚴格,騰訊(700)受影響,巴巴(9988)有啲直播帶貨被點名,另外內地有傳百度(9888)嘅CHATGPT 係試玩中錯答了一些敏感性題目,新聞面上搵唔到,但百度股價就最多跌逾2%。恒指仲有得升就全靠幾隻電訊股,港交所 […]

浪潮母公司被美列入名單 股價急跌17%

美國商務部上周五又多28間公司列入實體清單,其中有浪潮(596)母公司在內,浪潮股價一度急跌17%。其實自美聯合日,荷開始對華在新一輪晶片制裁後,雙方都開始相互出招,當然主導權喺美國身上,到周末,美國正研究擴大對華嘅限制範圍,包括限制Nvidia向華為出售技術,亦可能禁止美國對敵對國家進行某些領域上任何形式嘅投資,計有先進半導體、超級計算,同埋人工智能等。 美債息連續兩日回落,10年債息跌至3.96厘,美匯回到104.53,幫助股市繼續反彈,上周五道指再升387點,差不多行返去區間中軸,下面32 […]

人工智能概念降溫 巴巴、京東同跌4%

港股急升一日後,未有再follow上,恒指以貼近10天線(20370)低開後一度反彈上20550,收20441,跌176點,全日波幅收窄到200點,成交亦減至1,100億元。月初市,好友未有承勢追殺,淡友都未有反擊,恒指急升後做咗枝十字星待變,應該唔會等好耐,預計下周中前應該出到方向,依家水平睇,上面50天線(20869),下面250天線(19939)係波幅區域,上破、淡倉一定要停再睇,相反下破好倉就要止。 人工智能概念開始靜落嚟冷靜吓,科技股冇睇頭,況且電商燒錢戰令幾隻電商股升一日就冇力,巴巴 […]

如今日收市穿20973 股市有機會調整完

前晚恒指夜期同黑期都係偏淡少少,但噚日開市前見期指已升過百點,到現貨開市頭半個鐘已升穿20200,跟住就一步一步行上去,期間國內公佈製造業同非製造業採購經理指數,全部都喺50盛衰分界線之上,而且高於市場預期,解讀係中國復常後整個經濟活動都比預期好,上證股市承前日升勢再行,終於升破3010,收3012,圖表上係破咗位,唔理佢係破位定係炒兩會,企得到喺3010上面,國內股市就唔可以睇淡住,而人仔反彈都幫到手。 恒指大升 833點,收20619,仲有大成交1500億元配合,噚日都已經講咗,佢 […]

國內想加強短視頻管理 嗶哩、快手股價即跌

A股噚日靚仔啊,先跌落去,下午兩點後抽上,倒升27點,生科、電力同油股做好,上證收3279,一下子又上番10同20天線上,上面繼續睇3010,破唔到都係睇橫行市。 港股跟阿爺行相反,開高後唔去,未能確定係咪心同場外結算有關,下午阿爺升,佢就調頭向下,倒跌157點,果然係弱,成交千四億元,成交多係因有指數rebalancing 所致。噚日指數上一上250天線上,單日已經守唔住,繼續係條通道下方行。下面19600全世界圖表派分析都睇到,我覺得如果真係有支持,應該唔會到,好似前日咁,低開即彈 […]

市未轉勢向好 宜繼續逢高沽

周五夜期跌到19700水平,到現貨開市19800之上,已經係全日低位,噚日期指結算,上星期五已壓到低位,今日到外圍結算,恒指仲未走出條下降通道,到今日條通道底喺19600(差不多又係回吐0.382位置),頂部喺20600左右,既然個市未轉勢,就繼續逢高沽,噚日既然唔跌,下個月有機會先行反彈,貼近10天線(20577)應該都有幾大阻力。 個市噚日算唔跌,科技股都有功勞,美團(3690)喺派現貨前都逆市升1%。百度(9888)彈2%,繼續圍繞個人工智能概念,騰訊(700)都話正在研發類似嘅聊天機械人 […]

海底撈去年轉賺13億

中美關係未明朗之際,美國喺俄羅斯入侵烏克蘭一周年再宣佈制裁多名俄國官員同企業,將佢哋列入實體清單,估計其後唔排除對加大制裁同佢哋有關嘅中國企業。 美國一月份核心個人消費數字按年上升4.7%,較預期4.3%為高,再加上密竭根大學2月份消費信心指數創一年新高,更加確認市場對今年再加多三次25點子同息囗冇得落。美國十年債息迫近四厘,兩年債息4.82厘。環球未完全復常,商品價格已升,對壓通脹冇幫助,另外係工資增幅,我想部份係因為時代變咗,多人從事咗線上同自僱工作,勞動人囗減少,失業率自然低。依家聯儲局又 […]

AI概念股冷卻 高位應開始減持

期指愈近結算愈反覆,上午曾反彈上20600,前日高位20620都升唔穿,下午又跟國內股市回軟。上證噚日日最高3007,又係衝唔穿3010阻力,暫當係阻力前回吐,10天(3276)同20天 (3268)線都仲守到。港股午後升幅完全歸零,倒跌72點收,大科技股跌過又升過,收市近打平,係巴巴(9988)升到2%最勁。前日提到高位要食嘅中資電訊股,有兩隻午後就玩瀡滑梯,聯通(762)同中電信(728)同瀉5%,AI概念呢幾日都冷卻咗落嚟,池塘水有限,升得多嘅當然會係減持首選。 另一個下跌焦點就 […]

財爺派糖冇驚喜 交易徵費為面子唔肯減?

財爺講嘢冇驚喜,要免嘅一如以往,繼續派5,000蚊消費券,交易徵費冇得減,市場人士話下年先有機會減,原因好簡單,上年加完,今年即減,即係默認決策錯誤,冇face,另一方面加足球搏彩稅,馬會即刻出嚟發聲。 美國搬龍門下,通脹都未落得預期咁快,息已加,只係一月中國復常,生產力回升,一定都會帶起全球資源價格,咁通脹回落較慢都可理解。前晚有消息指有儲局官員提議將長期通脹目標由2厘升到2.8厘,估計係希望加少一、兩次息。最簡單,聯儲局最唔想見到係股市,樓市升,財富增加又會刺激消費,通脹就難壓。 國內股市連 […]