俄烏仍未開戰，俄軍演習完又退一退返回基地，俄方聲稱只是一次大規模軍事演習，並預期會於20號結束，消息於本港收市後傳出，外圍股市即抽升，其實今次俄烏戰雲，美國都出了一分力，人哋都未話打，佢就出聲預計人幾時開火，究竟係美國想俄烏開火，西方國家可名正言順制裁俄羅斯，從中取利，定係佢消息真係咁靈通，大家可自行判斷。俄羅斯現時國內新冠疫情都嚴重，每日都約有20萬人感染，國家仲有冇財力再開戰線，都值得思考。

港股昨日300點波幅，結果中間位24355收市，輕微失守100天線，市況沉悶，大股在眾多因素下彈力不足，但昨晚外圍恒指都上回24600點水平。

藥明康德（2359）去年盈利50.97億元人民幣，按年上升72.19，每股盈利1.75元。

中移動（941）昨日回購233萬股，每股54.25至54.6元，斥資1.27億元。

俄烏未打住，道指和納指分別反彈420同350點，Tesla重回900美元。美債息高企2厘，相反紐約期油亦都回落至92.05美元，美滙回至96，歐元1.1358，日圓115.66，而人民幣又升值，今早報6.3387。