2022年10月3日

昨日A股復市,上證升68點,成功開出紅盤,國內一月財新PMI數50.1,重上50樓上,而服務業PMI則為51.4,昨日國內減少逆回購,相信都係年假後的調節,阿爺谷經濟的決心都好明顯,今年春節內需比去年差,全國旅遊收入2,892億元,比去年跌4%,比疫情前更低了56%,貨幣政策已經開始行,財政政策中,近日總理李克強都不只一次預告有減稅降費措施推出,主要都係針對中小微企,由於國內6至7成勞動工人都係受聘於中小微企,政策撐中小企業,致力減低失業率。另外,鑑於固投對GDP既貢獻仲差過出囗,法改委亦指明內需和固定資產投資為重點發展範疇。 

北水重回,港股成交都冇大增,只有1200億,指數上周先升,昨日窄波幅鞏固,舊經濟股繼續受追捧,中資電訊股、基建股及資源股做好,科技股走軟,主要係阿里巴巴(9988)公佈係美國SEC登記10億份ADS份,情況就如港股中,投資者如要沽出手上現貨,就要存入CCASS,美國就要向SEC登記,市場推算其中6.7億股好大機會係軟庫要出售其持有股份,阿里股價昨日跌4.4%,亦令其他科網股有多少壓力。美股ADR時段巴巴股價跌至約112港元。 

美國債息抽上1.94厘,美滙95.42,美股反覆偏軟,Meta(前Facebook)跌5%,上周計已累積跌左3成。比特幣連升4日,今早報43000美元,紐約期油91.29美元,高位徘徊。