2022年09月29日

明日大年初一,首先祝大家虎年行好運,身體健康,投資得心應手,股運亨通,早日開關去旅行。 

今日港股得半日市,都係食花生多,三日假期變化太大,冇得搏。上周已經修補了23800至24000裂囗,跟住外圍散落去,大位23500真係唔穿得(至少收市價), 

中國大唐(991)和華能國電(902)都預警去年大幅虧損約百億元,而中國電力(2380)預計輸5至6億元,主要因去年煤價大幅上升有關。國電表示去年10月發改委將煤價回落1000元人民幣一噸,令煤炭價回到合理水平,對今年營業盈利有正面影響。 

上周五美股輪到行先跌後升,道指先跌逾300幾點後倒升564點,仍在250天線(34497)上下反覆上落,又入番去大型擴散喇叭形態裏面。納指更反彈400點,幾大指數急跌後仲在低位反覆,走勢未穩,仍需時間再觀察。今個跌浪好多中小型股份跌幅都逾4、5成,應是加息收水周期展開,去槓桿化既效應。 

美債息回到1.77厘,紐約期油87.7美元,美期今早偏軟,外圍恒指暫冇上落。