美股隔晚大跌，港股低開後，最多跌200點後企穩，午後3點突然抽上，恒指重上23000點上，收23072點，升165點，成交1300億元，升勢全係科技股同友邦（1299）帶動，科技股指數前日創新低後回升，無論係恒指定係科指，暫時仍只可視作反彈，距離見底回升既路仲係好遠，騰訊（700）昨日低見421元，係250周線419元上有支持，最重要一點係騰訊股價上市來一直未有跌穿過250周線，且看今次能否守得住而帶動港股扭轉弱勢。另外有芒格加持既巴巴（9988）回升6元，走勢開始營造小圓底。其他新能源和電動車股仍然受壓，資金輪動下，可能要等大價股先行才接力。近日市場多人談論瑞聲（2018），皆因高盛日前點名指其最壞時候已過，目標66元，較現價多一倍，見近日都吾跌得，有機會上試100天線36元。 

昨日焦點除了個市反彈外，就係五隻暴跌股，兩隻跌95％，一隻更中途停賽，另外三隻都蒸發6成以上，五隻股份共通點就係凱基都係幾大持倉之一，不排除有火燒連環船效應。再者其中一隻一早已有人話係微股份，星期二開始掉頭，到尋日就玩跳樓機咁。 

美國ADR上市的中概股都普遍做好帶動下，外圍恒指升上23200上面，百度（9888）升上約148港元。至於美股，早段係加息陰影下仍低開，道指跌170點，納指尾市有承接，最多跌200點，收市跌20點。紐約期油直逼80美元，債息上升令金價回落，現貨金報1791美元，比特幣43000美元，再一次測試42000美元水平支持，下一個位就係39600至40000美元。