港股未有跟美股跌落去，輕微低開後回升130點收市，成交接近1500億元，下跌股份則較上升股份多，幾隻大型科技股只微升，阿里巴巴（9988）更破底，個市升主要係靠兩大內銀股中行（1398）同建行（939）接動，生物醫藥同醫療股受壓，龍頭藥明（2269）逆市跌5％。

電動車股唔郁，中國電力（2380）抽水，收市險守批股價3.8上面，但係市場好似擔心其他風電股份都會係市場抽水咁，一下散左落黎，大唐新能源（1798）同中廣核新能源（1811）分別下9同7％；華電（836）則冇影響。

美財長耶倫表示正檢討特朗普時期對華的關稅，包括部份不合理關稅，亦表示降低或取消部份關稅有助減低通脹。

美股前日大波動後，昨晚回升600點，摩通建議新變種病毒給予大家有一個逢低買入經濟復甦股份既機會。美期今早回軟近100點，外圍港股跌近100點，另外今日收市後恒指會有rebalancing。

市場等今晚經濟數據，美匯變動不大，紐約期油67美元，油組開會後决定至明年一月維持每天增產40萬桶計劃，但會隨市況而調整。