繼微軟後，前晚Meta（前Facebook）盤後公佈業績者好過預期，盤後股價急升一成，其實Meta業績冇微軟咁亮麗，只係預期相對低，況且發展前景亦未有如微軟有人工智能接入有爆發力。道指連續兩日回吐，為免下試325至32600水平，應盡快出反彈。回顧近一個月美股市寛，標普500指數成份股中，十大股份已佔近3成比重，呢一段時間大市只靠這些股份頂住，其他股份一係冇升，一係下跌，所以五窮月係有啲令人擔心。噚晚美國有GDP，今晚就有個人消費指數。

上證A股回升21點，重回上升條上升支持位水平，唔敢講係企穩，最好回升上3300，喺上升支持線上行就較穩陣。

港股一個靜字，期指結算日成交970億元，恒指頂到在250天線上，但又冇力上，前兩日高位19900都衝唔破，就喺250天線磨上落，冇乜方向。藍籌股分兩極行，兩大內險平保（2318）同中人壽（2628）分別上升9同5％，前者A股更升停，友邦（1299）、滙控(005)都做好。拖住大市又係一眾科技股，噚日朝早有兩個消息，一係美國商務部長喺參議會聽證會上中國雲服務商有可能威脅國家安全，建議將阿里雲、百度雲、騰訊雲等服務商列入黑名單；二係阿里雲宣佈核心產品減價15至50％，開始打減價戰，又係殺敵一千，自傷八百也，兩個消息加起來。幾大科網股又跌過。

中海油（883）截至今年3月底止首季業績，股東應佔利潤321.13億元人民幣，按年下跌6.38%，每股盈利0.68元。

比亞迪股份（1211）第一季盈利41.3億元人民幣，按年增長4.11倍，每股盈利1.42元。期內，營業收入1201.74億元，按年升79.83%。

中國人壽（2628）第一季股東應佔盈利178.85億元人民幣，按年增長18%，每股盈利0.63元。期內新單保費達1176.69億元，上升16.6%，新業務價值增速由負轉正，按年增長7.7%。

中國財險（2328）3月底止第一季度，淨利潤為95.08億元人民幣，按年增長22.04%。

美國首季GDP增長1.1％，市場預期1.9％，而核心個人消費開支升4.9%，預期為4.7％，下星期加息25點子機率仲係高，十年債息重上3.5厘，美匯101.45，人民幣6.93。美股則喺科企業績帶動下升逾500點，納指升近300點，微軟、Meta？Amazon 全向上。

外圍恒指則升150至19940水平。