美銀同高盛上調利率峰值到5.25至5.5厘，今年減息機微，美國儲局鷹派官員同前財長都覺得仲有機會會犧牲短期經濟去換取通脹下降。美股上周五個別發展，道指先跌後升，自上年11月起，道指都係個收窄長三角形區間上落，波幅區間已由最初2000點收窄到今日300點左右，上面34200，下面33900，估計應好快爆邊，冇錯以目前息囗水平同經濟預期會係向下機率較大。納指就仲要跌68點，上月底打破一年內高位一浪低於一浪走勢，上周五回落時又出咗支長腳，好淡角力中，下面11570吾唔好失守。

油價回落，油股都跌，紐約期油連跌四日，收76.34美元，美10年息3.8厘，美匯103.88，日圓134.11，美元兌人民幣升上6.87。

港股終於收穿20800，收20719點，啱啱好落到50天線，美股ADR時段中概股指數繼續下跌，港股夜期低水200點，而外圍恒指就跌160點。恒指跌穿某個支持位，可能overshoot幾百點，配合下降通道計，有機會喺202至20400見短期反彈，係反彈，冇話見底，因調整浪未有完結訊號。

亞美能源（2686）獲控股股東提私有化，每股註銷價為1.85元，較停牌前收市價1.68元，溢價約10.1%。該建議所需之最高現金金額將為約27.04億元。

聯想（992）3年內首現季度盈利倒退，隨住全球復常下，個人電腦需求或面臨下跌，嚿年12月季度盈利按年倒退32％。

保利協𠓾（3800）料去年盈利升2倍。

中證監喺新嘅境外上市規則中稱不會對境外上市額外設置門檻同條件，另中證監又同香港證監會亦已簽定諒解備忘錄，加強內地企業來港上市的監管同合作。若真係開綠燈，港交所（388）一定係最受惠。