美國一月份非農職位大增51萬個，較預期18萬個多出好多，失業率3.4％又低於預期，致令市場又諗起息囗問題。多間企業近兩個月不停話裁員，但新增職位數字咁強勁，係真係咁好景，抑或預期定得太低，方便繼續囗頭鷹壓通脹，只有留待時間證實。至於股市就睇數字做人，美股反覆回落，道指跌127點，跌幅0.38％，好少，納指呢幾日升得多，回調近200點，科技股都有啲不利新聞，包括大企業業較差，拜登政府傳計劃向科企加強監管，而另有傳聞指FTC會對亞馬遜提違反壟斷法指控，亞馬遜跌8％。

美十年債息3.5厘，美匯回升上103，美元兌日圓升上131.2，英鎊1.205，人民幣跌600點子，去到6.8水平。美元升，相對資產調頭跌，大宗商品首當其衝，現貨金跌47美元至1865美元，銀同白金更跌近5％，紐約期油73.4美元。

港股則繼續調整，20天21690線失守，其實日中個條上升支持都測試咗一次，暫時未穿，但夜期同黑期都回落到21500水平，今日若跌穿條上升支持，估計係21550左右，成個升勢就會完，進入中期調整浪。早前個市上升中，條街就日日搏佢跌，現在回一千點，好快就有人覺得跌夠，所以都係覺得大股就睇定啲。況且周末又有熱氣球時件，雙方又駡囗水戰，未知有冇影響。

消息指中國當局計劃今年繼續提震消費，不過不會用補貼方式，反而會考慮以投資基礎設施來提升就業和收入，從而提升消費者信心。

玖紙（2689）發盈警，料去年12止半年輸12.5至14.5億元人民幣，上年度半年賺28億元。