2023年01月28日

喺阿里巴巴(9988)同騰訊(700)帶動下,恒指噚日曾一度升穿31183拉落嚟嘅阻力,高見21686,高位企唔到,3點後就開始回落,恒指收21436點,升100點,成交1,660億元。上證一樣,開高後倒跌8點收市,中港股市感覺上好似上唔到,不過又未轉彎,要掉頭造淡又難,隨時一升穿又行,左右造人難,已變咗值搏率問題,真係升得穿216至21700,最多行到22200,水位話多唔多,只係藍籌股逾一半下跌,市寛已開始有少少問題,就算指數回到20600至20700,甚至去到250天線,都未損害中期升勢,所以一直都建議只保留核心持倉,留彈藥喺下面接貨。

科技股個別發展,騰訊和巴巴升3%,收市時升幅都縮了一截,相反京東(9618)同美團(3690)就逆市跌,後者下面支持位喺171同163元。

中糧家佳康(1610)向中糧集團配售6.8億股新股,作價2.3元。

美國今晚會有CPI數據,預期通脹會降到6.5%,近日美股反彈都應反映咗通脹回落,到實質數字開出嚟,美股今晚或會較波動。噚晚先繼續炒通脹回落,美股回升268點,納指升1.8%,Tesla升上123美元。紐約期油77美元,匯市淡靜,美匯102.98。