美國上周五公佈嘅大非農職位增加22.3萬個，高於預期嘅20萬個，但低於前值修正下嘅25.6萬個，而平均時薪就低於預期，緩解市場對通脹憂慮，息囗或可提早見頂，美10年債息企喺3.56厘，美匯則回落到103.91。同先前估計差不多，美匯未轉勢，只有反彈，市場暫時仍相信聯儲局係囗頭鷹。美股三大指數升逾2%，納指升264點，Tesla 12月中國境內銷售跌，再減價促銷，股價跌近100美元後反彈上113.68美元，Tesla壓住，間接阻礙咗納指回升力度，仍未走出低位橫行格局；反而道指同標普都出現少少突破，今個星期要follow上先好。

巴巴（9988）創辦人馬雲放棄對螞蟻集團嘅控股權，螞蟻表示為完善管理（估計應該係滿足監管要求），喺股東結構層面上進行調整，往後股東會觸立行使其投票權，並取消所有一致行動協議，不存在股東共同控制集團嘅情況。螞蟻聽話，對市場都會係正面，股東巴巴都會被放生，難怪馬雲近期已經多咗露面；而巴巴喺ADR股價上周五已升到上約105港元。

內房板塊每日都有新政策或傳聞，最新係外媒指金融監管部計劃階段性放寛三條紅線，過渡期由今年6月底再延長多6個月，變相讓房企更多時間化解債務問題，呢個concept再加房地產資金鏈放鬆，板塊可能又會有炒作，要參與都要揀認為有得救的股份。

港股上周四、五，連續兩日係高位開陰燭，開始有壓力，呢個浪升幅都6800點，追貨者風險愈來愈大。上周五夜期同外圍恒指喺巴巴同其他科網股外圍做好下，又再抽上21350水平，如果今日都係陰燭落就要考慮暫時避開權重嘅指數成份股，因圖表睇可以接受嘅回吐位接近1000點。中港噚日開始通關，記得同外國恢復旅遊初期，疫情數字一度上升至近每日3萬，噚日回到1.4萬，預計兩星期開始後中港開關對疫情數字影響會開始浮現，而國內疫情可能會係春運一個月後開始進入另一個高峯。

紐約期油73.77美元。虛擬貨幣價格仲係地板磨擦，連環有貨幣同交易商出事，當中更牽涉有欺詐行為，市場均有聲音指需要有更多的監管，就連業界龍頭幣安係早前CNBC訪問中都被質疑公司流動性問題，而趙長鵬（CZ）嘅遊花園式答案就更加令人懷疑。