美國12月消費者信心指數數值高放預期，而耐用品訂單則下跌，反映商業活動正在減少，兩者指向參差，美股喺假期前後表現參差道指埋單仲有得升，納指跌百二點，Tesla噚晚再跌11%，已連跌7日。

比亞廸（1211）副總裁喺深圳的APEC中表示因為呢幾日有不唔員工確診新冠，日產量減少約2,000-3,000架，早前預期今年總產量有190萬架，最新調整咗188萬架。而蔚來（9866）亦因疫情關係調低第四季汽車交付10至17%。

人行前日展開2160人民幣逆回購，主要維護年底前流動性平穩。

假期中內地繼續推寛鬆措施，包括將疫情再降級，改為新冠病毒感染，下月8號起取消國際航班數量管控、入境後全員核酸檢測同集中隔離，持有48小時陰性檢測可直接入境，變相全面開放，中港通關在即，今次阿爺行動比預期快咗，消息係正面，但係背後隱憂上星期都提過，就係疫情已超級擴散到一個點，國家都控制唔到，只係等佢見頂回落，唔少製造業同商業活動會因此短暫停止。病毒係變弱了（假設不再變種下），症狀輕咗，實質經濟活動停止係短期，心理陰影就排除唔到，或者會增加市場波動性。

今個星期係年結同期指結算，佢哋想咩位收去部署下一個月都要考慮。而官媒證券時報亦引述專家指下年有機食會繼續降息降準，國內股市假期內連升兩日，累計升近50點，升幅1.5%。港股上周都守到係19200樓上橫行，聖誕前夜期跟中概股喺ADR回落150點左右，噚晚起跟上證回升，中概ADR亦回穩反彈，今早外圍恒指最新報19800，預示高開接近200點。

美匯103.95，日圓反彈後回軟至133.5，可能同黑田最新講話都較寛鬆有關。歐元1.0639，人民幣6.9651。中國開關，油價有支持，紐約期油報80美元，現貨金1,814美元，虛擬貨幣市場最近一直受到參與者連番出事影響，仍喺低位徘徊。