2023年02月9日

港股上周一借疫情跌一跌,中咗50天線後即下升,周線大陽燭,日線上到19200出調整,上周五回到低見18530,100天線守得住,係大家都希望睇完美國就業數據下周返嚟再部署時候,中概股係美股ADR時段突然發難,指數升5.4%,巴巴(9988)折合港元上到88.5元、京東(9618)230元,帶動夜期上到19180,而黑期就做19100,平均較香港星期五收市高400點。外圍恒指回升到去阻力位附近,仲要追大股就一定放低較大止蝕位,車股跟住個市升跌,其他未見有接力到,睇吓今日會唔會開始有板塊輪動,再判斷個市可唔可以再上。噚日上海開始再放寛,共交、共眾地方,唔使再做PCR Test,而疫情數字亦降至32,000宗,疫苗股未必會再炒,反而其他生科同醫療器材股份已經橫行左咗好耐,上星期五有啲股份已開始起動,睇吓今日會唔會行。

消息指內地擬再出招支持房企,中國監管機構要求四大銀行向部分優質的房企發放離岸貸款,用以償還海外債務。

融創中國(1918)正設法重組逾90億美元無抵押離岸債券;集團公佈預期2021年虧損383億元人民幣。

穆迪將雅居樂集團(03383)嘅長期企業家族評級由「B3」下調至「Caa1」,喺冇新嘅外部融資或資產處置來應對其龐大嘅到期債務的情況下,未來12至18個月,雅居樂嘅流動性仍將不足。

比亞迪股份(1211)公布,11月汽車銷量23.04萬輛,按年增長1.34倍,全為新能源車;而今年首11個月,汽車銷量163.33萬輛,按年飆升1.55倍。

美國11月非農業職位增加26.3萬個,市場預期增加20萬個,失業率為3.7%,符合預期,惟平均時薪按月增加0.6%,預期為增加0.3%。數據令市場憂慮通脹未必如預期般速度回落,美股早段一度跌逾300點,同前幾日一樣,開低回升,尾市倒升34點。雖然大行預期股市強勢或年底前仍會持續,但下年上半年就冇咁樂觀,標普有機會回試今年低位,即跌幅接近15%。

美匯係就業數據公佈後一度抽上105.5,剛好同股市走勢相反,收市跌回104.51,英磅重上1.23,日圓134.32,低位反彈已一成,而人民幣都進一步回升到7.02。