台海局勢緊張，中港股市應聲下跌，上證都跌近2.3%，恒指低開300幾點後跌幅不斷擴大，昨日世界大部份交易員都在關心一個陌生的女人在那裏過夜，佩洛西預期昨晚才到台灣，今朝見蔡英文，未知中美雙方有甚麼回應，又可以去到幾盡，中美關係可能去到一個極點，執筆時所有情況都係靠估，過埋今日就可能明朗化少少。投資者就唔會全倉去搏，無論好淡都係，贏輸的都會計一計數，政治市最冇得估。

港股就好清𥇦，只要確認今年的上升支持失守後就要跌落去，內房問題同政治問題就係一個催化劑，而家失守後量度最多可以去到16000點，當然我冇水晶球，呢個只係圖表預測，局勢每日都在變，只可以一步步看，而家所有人都睇住今年三月低位18239，睇下頂唔頂到。

結果過了平靜既一晚，沒有擦槍走火，繼續囗水戰，唯一係未來數日中國會圍住台灣做軍演。昨日早一日跌的港股，於黑期回升了百幾點，對整個走勢沒太大幫助。美股都出現調整，道指跌逾400點，納指只跌20點，軍工股微升，台灣局勢令美匯回升上106.35，日圓133.3，人民幣6.77，澳洲加息後，澳元回落到0.69。紐約期油94美元水平徘徊。