2022年09月27日

港股昨日高開係50天線水平後回落,最低跌到25100邊,午後反彈,收市倒升78點,短線市底仍強,指數成份股唞一唞,其他板塊反而見有追捧,資源價格升,資源股又炒過,其他如醫學美容股、機械股和電動車相關股份都有炒作。 

美國同香港股市都進入第三季業績期,相對去年疫情影響下,普遍都叫做交到功課,業績期過後,相信焦點又會落在息囗、收水、通脹的問題,中美為全球兩大經濟體系,政策對全球經濟都有影響,中國最新公佈既生產物價指數PPI為10.1,都幾超出預期,若果消費物價指數CPI未能追到PPI既增長,反映企業未能把上升既生產成本完全轉介到消費者身上,變相影響了企業的盈利能力,若CPI升得快,對中國就有通脹壓力,未來要降準的機會就更加低。而美國的收水幾時落地呢,對通脹的判斷又係點呢,市場的共識係12月開始收水,到下年7月全停。 

除資源價勁之外,比特幣衝上62000美元,紐約期油整固,最新為82.48美元,愈來愈多人睇油價年底前會升升100美元關囗,美10年債息升後回落,報1.58厘,美股反覆,蘋果有新產品發佈會,將公佈業績的Tesla再升3.21%。