2022年09月29日

港股跟住外圍低開,今次輪到A股救回港股,上午仍在上日收市位拉鋸,午後一回來就急抽,半個鐘已經抽了50點,升72點,消息沒太多,暫時只當反彈,況且國內大假期前夕,有維穩都未必冇可能。上證未返上3000點樓上並企穩,亦不要當跌完。

美期係亞洲區時段都反彈,港股則只升11點,可以話冇力,阿爺於國常會再主動表明大搞基建、鐵路、機場等項目,港股中,基建水泥股炒上,但係上證升市中,並非升基建或金融股,反而是近期因各樣因素而急跌的股份,例如寧德時代。大科技股中,美團(3690)、京東(9618)仍然最強,美團近四日都係開陽燭,北水買得幾多,昨日北水淨入28億元,美團佔15億,北水明日開始放假,到下星期四先返,近日國內有報導指因疫情關係美團關閉了一些主要城市既美團優選業務,此乃新開的燒錢業務,前幾季虧損都係因新業務影響,而家減少營運點,可望有助減少虧損。

上海疫情數字有抒緩,美團都有炒解封概念,同國內股市一樣,其他資金就係買回早幾日跌得較多的股份,如餐飲同消費股,收市後有消息指深圳商務局會透過美團及京東派發5億元消費券,刺激假期消費。銀行股風眼所在,冇得彈。資源股反彈,但眾多資源股中,只得煤股同鋰股今季盈利仲有增長。近兩日有好多三、四線股份出現問題,昨日有5隻股仔跌5成以上,看似應有部份資金鏈斷裂。

中石化(386)今年3月底第一季度,股東應佔利潤233.38億元人民幣,按年增長24.3%,每股盈利0.193元。

中煤能源(1898)第一季盈利67.93億元人民幣,按年增長93.1%,每股盈利0.51元。

比亞迪股份(1211)公布,今年第一季盈利8.08億元人民幣,按年增長2.41倍,每股盈利0.28元。

美滙升上103.02,英磅續軟,最新報1.2518,歐元1.055,跌1%,日圓128.37。紐約期油102美元,現貨金1886美元。

中概股美股時段全面上揚,外圍恒指都企得穩,重上20100水平。