昨日港股平開後都未有方向，中午前俄羅斯通訊社指出烏克蘭向烏東部慮甘斯克共和國四處地區發射廹擊炮同手榴彈，令港股突然插200點，其後都慢慢收復。其實慮甘斯克屬烏克蘭國內一個自治區，雙方一直有恊議係各有各管，唯幾年來都一直有間斷的衝突發生，都有一定程度死傷，所以昨日事件都屬市場驚弓之鳥，與俄羅斯無關。

其實俄烏事件，聽美國講真係不太可以作準，反而德、法兩國早前有同烏克蘭開會，三方幾年前有共識，烏克蘭在10年不會加入北約，只是德、法冇權阻止其申請，北約會否批又係另一回事。

結果恒指上番去24792點收市，升72點，成交都係只得千億，個市勢頭都仲係向好，加息因素已慢慢消化緊，係俄烏不確定性阻住佢上破25000點。

美國駐俄大使遭驅逐出境，拜登又繼續吹奏俄羅斯入侵烏克蘭機會相當高，美股應聲又再跌過，道指跌622點，納指都跌逾400點。避險下現貨金升穿1900美元，紐約期油回到91.6美元，就連近期未受影響的比特幣都跌8％至40000美元水平。

美10年債落到1.95厘，美滙95.81，變化不大，反見日圓強番多少，上到114.8，人民幣6.3347。

外圍恒指今早回落到24600水平，跌約160點。